過往活動

愈來愈多城市人嚮往農耕生活，有團體利用天橋底嘅空地，打造全港首個非政府、供所有市民租用嘅市區農圃（見圖）。基督教家庭服務中心統籌三年，於今年推出 「都市綠洲」計劃，預計今年三月可以投入服務。計劃有三百塊農圃，約三十平方呎一塊，畀市民申請，以月費三百元租用，為期六個月。農圃仲會提供時令種子， 包括番茄、生菜、菜心、蘿蔔同西蘭花、泥土、農具等，其實咩都唔使預備，都可以享受農耕，啱晒Kelly我呢啲忙碌都市人。