張慧儀帶同10歲養子Hanson出席基督教慈善活動，不過小朋友怕醜，未肯跟媽媽合照。談到早前被拍下在港投資家鄉馬來西亞食品生意，慧儀直認不諱：「本來諗住今日攞啲嚟現場做禮物，但太好賣都冇貨，不過同廣西嘅參茸生意比，呢次小本經營啫。」
對於馬航發生空難，慧儀表示自己十分關注，時刻留意廣播：「以前我喺北京住，好多時都搭呢班機，所以依家感覺難受。」


同場的無綫藝人蔣家旻透露主演的《愛‧回家》有意再添食100集，至於自己入圍角逐本屆電影金像獎「最佳新演員」，她笑指自己忙揀戰衣，會走高貴青春，但得獎信心不大。而日前她有份出席導演會春茗，指自己眼界大開：「見到好多猛人，但自己怕醜，唔敢集郵囉。」