媒体报导: 唔计厕纸 港人日用8张纸巾

2019/05/10

好多餐厅食肆会主动为客人派餐纸巾同湿纸巾，唔觉意都可能造成浪费，基督教家庭服务中心一个网上访问，1330名15岁以上受访市民中，七成受访者认为食肆毋须主动派纸巾，可按个别顾客要求派发。中心又统计受访者人均纸巾用量，就算唔计厕纸，原来每人每日都用8张纸巾（包括袋装、盒装纸巾、湿纸巾、抹手纸及餐纸），以2018年底全港15岁以上人口656.1万推算，即係港人每日用咗近5000万张纸巾，都相当惊人。

两成人以为抹手纸可回收
另外，中心亦发现有两成受访者对抹手纸仲存有「迷思」，以为抹手纸可以回收。但中心解释，除咗基於卫生理由，所以唔可以咁做之外，其实抹手纸喺生产过程，为加强坚韧度会加入物质，令纸质唔易分解。

为推动环保，中心同团体「手帕集作」会喺下星期二（14日）合办「无纸巾日」，参与嘅商户机构会於当日暂停主动派发同使用各类型即弃纸巾。